Visión
Converterse nun instituto de referencia na intersección da investigación entre a agricultura e a alimentación dende enfoques agroecolóxicos, promovendo un compromiso activo coa especialización científica intelixente a partir dunha aposta convencida pola colaboración e a xeración de impacto. Nese obxectivo o Instituto asume a excelencia como cultura organizativa, conformando un entorno científico atractivo para apoiar carreiras de investigación competitivas e impulsar equipos multidisciplinares líderes na creación de novo coñecemento e solucións aos problemas mais relevantes dos sistemas agroalimentarios.
Misión
Promover un entorno de investigación interdisciplinar e de excelencia con capacidade para ofrecer novo coñecemento e solucións que contribúan no proceso de transición cara un sistema agroalimentario capaz de asegurar e ofrecer unha alimentación saudable, segura e resiliente nun contexto marcado polos grandes cambios globais, incluído o cambio climático, e preservando a biodiversidade e contribuíndo aos obxectivos de desenvolvemento sostible.
Valores
Investigación diferenciada: materializada a través dunha axenda científica especializada na agroecoloxía e a alimentación.
Excelencia científica: A competencia do centro no ámbito científico establece a excelencia como obxectivo e cultura na conformación da plantilla investigadora e na súa organización.
Colaboración e interdisciplinariedade entre o propio persoal investigador do instituto así coma con outras unidades de investigación e axentes do sector agroalimentario.
Posicionamento internacional, promovendo a colaboración con investigadores e centros de referencia e impulsando a competencia nos programas e marcos de financiación internacionais
Aliñamento con grandes retos globais: prioridades e liñas de investigación aliñadas coas prioridades políticas e de I+D+i europeas e mundiais.
Sustentabilidade: procurar solucións sustentables aos grandes retos e desafíos contemporáneos e futuros dos sistemas agroalimentarios.
Compromiso coa igualdade de oportunidades: recoñecemento da diversidade cultural, demográfica e social e moi particularmente coa igualdade de xénero como medio para incrementar a calidade da investigación e contribuír á excelencia científica.