CINTECX conta cun edificio propio, con máis de 2000 m2 construídos, distribuídos en dúas plantas e nave-taller, situado no Campus de Lagoas- Marcosende (antigo MTI).
Nas plantas sitúanse o despacho de dirección, zona administrativa, sala de xuntas, salón de actos e zona común de esparexemento, 21 laboratorios e unha sala de simulación.
Os laboratorios están equipados con máis de cen equipos de aplicación ao ámbito científico-tecnolóxico, que permiten ofrecer servizos como a realización de ensaios de motores, medición e redución de emisións, ensaios mecánicos, climáticos, térmicos, de corrosión, análises químicas, caracterización de materiais, procesado láser, electrónica de potencia ou rugosidade e perfilometría, entre outros, ademais de cálculo e simulación de procesos e produtos, actividade para a que conta cunha das máis grandes infraestruturas de cómputo do SUG.
Picar no plano para acceder a cada instalación.
[drawattention]