Produción Científica
O número de artigos publicados en revistas científicas de alto impacto, indexadas na base de datos Journal Citation Reports (JCR), de Web Of Science (WOS), é ben máis de 300. Ademais, conta cunha gran porcentaxe de artigos no 1º quartil (82%).
A produción científica é relevante e de alta calidade como se pode apreciar polo número de publicacións JCR. Ademais denota un importante dinamismo nos últimos anos, cun forte crecemento arredor do 45% dende o ano 2018.
Financiamento
Os grupos de investigación adscritos ao IAA reciben financiamento estrutural estable, ao estar recoñecidos pola Xunta de Galicia como GRC (Grupos de Referencia Competitiva), ou GPC (Grupos de Potencial Crecemento).Actualmente, conta con máis de 15 proxectos internacionais e máis de 25 proxectos nacionais activos.
Ademais da captación de fondos procedentes das convocatorias de proxectos de investigación nacionais e internacionais, o IAA destaca pola súa capacidade de captación de fondos procedentes de colaboracións con empresas. En concreto, durante o 2022 foron 111 colaboracións con empresas.
Persoal
O maior activo do centro é sen dúbida o seu persoal investigador. O instituto está formado por de 150 persoas, entre os que se atopan 54 doutores.
No que respecta á evolución nas distintas figuras profesionais apreciase un moderado crecemento do PDI así como do persoal postdoutoral. Isto demostra que existe unha relativa capacidade de captación de talento a nivel postdoutoral, fundamentalmente financiados polas convocatorias de recursos humanos da Xunta de Galicia, aínda que nos últimos anos se aprecia a incorporación de persoal de programas estatais como Ramón y Cajal e Juan de la Cierva Incorporación.
En total, o Instituto conta con 124 membros adicados á investigación e 26 membros adicados a tarefas técnicas e administrativas. Na figura da esquerda obsérvase a distribución segundo o marco común europeo de normalización da “carreira investigadora.
Organización
Os corpos de Goberno do IAA destacan pola paridade á hora de establecer a súa composición. Como se pode observar, todas as comisións contan cun número mínimo de presencia feminina que represente o 50% do total de membros. Para o Instituto, a igualdade de xénero é un alicerce transversal á hora de instrumentalizar os órganos de goberno.
